Paşinyan Qarabağda Azərbaycana qarşı alınmış yeni silahlara baxdı – FOTO
Ermənistanın baş naziri Nikol Paşinyanın Azərbaycanın işğal olunmuş ərazilərinə səfəri davam edir.
DunyaninSesi Ermənistan KİV-nə istinadən xəbər verir ki, Paşinyan ötən gün Qarabağdakı işğalçı qüvvələrin kəşfiyyat xidmətinə alınmış yeni silahlarla tanış olub.
Bu silahlar arasında snayper, avtomat, rabitə vasitələri və s. olub.
Bundan başqa, separatçı rejimin rəhbəri Bako Saakyan və yerli siyasi liderlərlə görüşən Ermənistan baş naziri sərt çıxışlar edib. O, Qarabağda 2020-ci ilin martında baş tutacaq “prezident seçkiləri”nin insidentsiz keçirilməsi ilə bağlı “Qarabağ klanı”na xəbərdarlıq edib.
Xatırladaq ki, Paşinyan noyabrın 30-da gözlənilmədən Qarabağa səfər edib.
