“Laçın dəhlizindən 65 minə yaxın maşın, 230 mindən çox adam keçdi…”

Hit QARABAĞ
Spread the love

Rusiyanın Qarabağdakı sülhməramlı kontingenti 2020-ci ilin noyabrından etibarən Laçın dəhlizindən Qarabağa və geriyə 65 minə yaxın avtomobilin və 230 mindən çox adamın təhlükəsiz gediş-gəlişini təmin edib. Bu haqda Rusiya Müdafiə Nazirliyinin mətbuat xidmətinin yaydığı məlumatda deyilir.

Sülhməramlıların nümayəndəsi Vasili Davıdovun sözlərinə görə, nəzarət-buraxılış məntəqələrinin işi sutka boyu fasiləsiz davam edir. “Hər bir maşına baxış keçirilir, şübhə yaranarsa hərbçilər onları axtarır. Gün ərzində postdan 200-ə yaxın avtomobil keçir”,-o deyib.

 

Xatırladaq ki, Azərbaycan da Laçın dəhlizinə vizual nəzarət həyata keçirir. Belə ki, Laçın-Şuşa avtomobil yolu Şuşa şəhəri ətrafındakı Azərbaycan postunun bilavasitə yaxınlığından keçir və nəticədə yoldakı bütün hərəkəti vizual nəzarətdə saxlamaq imkanı var. Eyni zamanda Azərbaycan yola xüsusi vasitələrlə vizual nəzarət həyata keçirir.

Dunyaninsesi.Az