İranda daha bir güclü zəlzələ olub

Bu gün İranın cənubunda 5,7 maqnitudalı zəlzələ olub.

APA-nın xəbərinə görə, bu barədə Avropa- Aralıq dənizi Seysmoloji Mərkəzi məlumat yayıb.

Yerli vaxtla saat 12.30 radələrində baş verən zəlzələnin ocağı Bəndər-Abbas şəhərindən 48 km qərbdə, 47 km dərinlikdə yerləşib.

Dağıntı və tələfat barədə məlumat daxil olmayıb.

***

İranda Azərbaycanla sərhəddə yerləşən Ərdəbil əyalətində zəlzələ baş verib.

APA-nın Tehran bürosunun məlumatına görə, yerli vaxtla saat 01:15-də Ərdəbil əyalətinin Səreyn bölgəsində 4,4 bal gücündə zəlzələ qeydə alınıb.

Zəlzələnin ocağı 6 kilometr dərinlikdə yerləşib.

Dağıntı və tələfat barədə məlumat daxil olmayıb.