İlham Əliyev Zelenski ilə təkbətək görüşdü – FOTOLAR
Azərbaycan Respublikasında rəsmi səfərdə olan Ukrayna Prezidenti Vladimir Zelenskinin dekabrın 17-də rəsmi qarşılanma mərasimi olub.
DunyaninSesi xəbər verir ki, hər iki ölkənin dövlət bayraqlarının dalğalandığı meydanda Prezident Vladimir Zelenskinin şərəfinə fəxri qarovul dəstəsi düzülmüşdü.
Ölkə başçısı İlham Əliyev Ukrayna Prezidenti Vladimir Zelenskini qarşıladı.
Fəxri qarovul dəstəsinin rəisi Ukrayna Prezidentinə raport verdi.
Vladimir Zelenski Azərbaycan əsgərlərini salamladı.
Prezidentlər fəxri qarovul dəstəsinin qarşısından keçdilər.
Ukraynanın və Azərbaycanın dövlət himnləri səsləndi.
Azərbaycanın dövlət və hökumət nümayəndələri Prezident Vladimir Zelenskiyə, Ukrayna nümayəndə heyətinin üzvləri İlham Əliyevə təqdim olundu.
Fəxri qarovul dəstəsi hərbi marşın sədaları altında Azərbaycan və Ukrayna prezidentlərinin qarşısından keçdi.
Prezidentlər rəsmi foto çəkdirdilər.
Daha sonra ölkə başçısı İlham Əliyevin və Ukraynanın Prezidenti Vladimir Zelenskinin təkbətək görüşü olub.
DunyaninSesi.AZ
