Ana olaraq mənim dərdimi tez anlayarsınız! Gəncə Regional İcra idarəsinin rəisi Nizami Qocayev məni öz iş otağında başıma-başıma döyərək az yaşlı uşağımı əlimdən alıb zorla sabiq həyat yoldaşıma verdi.
Yazıb məlum edirəm ki, sabiq ərim Hüseynov Nəsimi Hidayət oğlu ilə mənim aramda, nigahımız ləğv olunduqdan sonra, iki az yaşlı uşaqların mənim mənim yanımda qalmaları üçün qanuni qüvəyə minmiş hər üç məhkəmələrin qətnamələri var. Həmin qətnamə Azərbaycan Respublikası Ali Məhkəməsi tərəfindən tanınmış və icraya qəbul edilmişdir. Sabiq ərimin nə vaxtsa yenidən iki az yalı uşaqların məndən tələb etməsi ilə bağlı məhkəməyə müraciət edə bilməz.
Bu barədə Azərbaycan Respublikası Ali Məhkəçməsinin bu iş barədə qərardadı var. Azərbaycan Respublikasının Ali Məhkəməsinin və Şirvan Apellyasiya Məhkəməsinin qətnamələrin surətini ərizəmə əlavə edirəm.
Azərbaycan Respublikası Ali Məhkəməsinin Plenumunun 24 noyabr 2005-ci il 3 N-li qərarını və Azərbaycan Respublikası MPM-nin 261-ci maddəsinin 261.0.2-ci və 261.0.3-cü maddələrini nəzərə alınaraq iş üzrə icraata xitam verilmişdir.
Sabiq ərim Gəncə Regional İcra idarəsinin rəisi, müavini ilə maddi maraq naminə əlbir olaraq məni hədələyərək iki az yaşlı uşaqlarımı əlimdən alıblar. Hazırda mən uşaqlarımı tələb etdikdə az yaşlı qızımı özümə qaytardılar. Ancaq oğlumu qaytarıb özümə vermədilər.
Mən oğlumu tələb etdikdə sabiq ərim icra rəisinə müavininə arxalanarq məni söyüb təhqir edərək hədələyir. Mən sabiq ərim tərəfindən hədələndiyim və uşağımı tələb etdiyim üçün Sizə və cənab prezidentimizə müraciət etdim ki, Kürdəmir rayon Polis Şöbəsinə göstəriş verilsin ki, mənim Kürdəmir rayonuna uşağımın dalınca gələndə təhlükəsizliyimi təmin etsinlər.
Mən uşağımla görüşüb onların əlindən alaraq özümlə gətirim. Ancaq mənim şikayət ərizəmə Kürdəmir RPŞ-nin müavini Cahid Ələsgərov nə oğlumla görüşüb, nədə ki, məni qəbul edib. Öz yanından stol arxasındaca məni qəbul etmədən bir tərəfli olaraq sabiq ərimin tərəfini saxlayaraq onun maraqları naminə cavab yazıb mənə göndəribdir. Mən Cahid Ələsgərovun cavab məktubu ilə razı deyiləm xahiş edirəm mənim ərizəmi Siz xüsusi nəzarətə götürüb Kürdəmir RPŞ-nə göstəriş verəsiniz ki, mənim təhlükəsizliyimi təmin edərək mənimlə uşağımın görüşməyimi təmin etsinlər.
Mənim əlimdən hədə qorxu ilə uşağımı alanlar Gəncə Regional İcra idarəsinin rəisi Nizami Qocayevdən, və müavini Ələmdar müəllimdir ki, onlarda məni idarədə qəbul edərkən Nizami Qocayev məni otağında başıma-başıma döyərək söyüb təhqir etdi.
Mən Nizami Qocayevin əlindən zorla çıxıb çölə qaçdıqdan sonra. dərhal DİN-n 102 xidmətinə zəng edib şikayət etdim.
Hadisə yerinə Gəncə şəhər Nizami RPİ-nin əməliyyat qrupası gəldi və döyülməyim barədə təhqiqat orqanında araşdırma aparılsda təhqiqat orqanı işi bir tərfli araşdırmaqla Nizami Qocayevi müdafiə etdilər. Ona görə ki, Nizami Qocayev əvvəllər DİO-da çalışıb və hər dəfədə mənə bildirirdi ki, mənim kəsdiyim başa sorğu sual yoxdur. Ona görə ki, polis orqanlarında işləyən əməkdaşlar hamısı əvvəllər mənim kadrlarım olubdurlar. Onlara mən nə desəmdə onlar mənim göstərişimi həyatta keçirəcəkdirlər.
Onunda bir şahidiyəm ki,mənim yanımda öz iş otağından telefonla Kürdəmir RPŞ-nə və məhkəməsini yığaraq onlarla danışıb mənim ora uşaq dalınca gələndə tutub içəri qoyarsınız tapşırığını verdi. İndi də görürəm ki, Nizami Qocayevin əli o qədər uzundur ki, hər bir yerə tapşıraraq mənim uşağımı almağa imkan verməyəcəkdir.
Son ümüd yerim Sizə cənab Prezidentimizə və Mehriban xanımadır. Sizlərdən xahiş edirəm tənha anaya köməklik edəsiniz Gəncə Regional İcra idarəsinin rəisi Nizami Qocayev məni döydüyünə görə və məcbur əlimdən uşağımı alıb sabiq ərimə veridyinə üçün barəsinndə ciddi araşdırma aparılmasına göstəriş verəsiniz.
Mənə edəcəyiniz köməkliyə görə sizə dərin minnətdarlığımı bildirirəm.
