Fəzail Ağamalı baş bankiri ittiham etdi – BANKLAR VƏTƏNDAŞI ZƏLİL GÜNƏ QOYUB

Hit İQTİSADİYYAT
Spread the love

Milli Məclisdə Nazirlər Kabinetinin illik hesabatının müzakirəsi zamanı deputat Fəzail Ağamalı diqqəti bank sistemindəki vəziyyətə yönəldib.
O, çıxış edərək, bank kreditlərində tətbiq olunan yüksək faiz dərəcələrini tənqid edib.

Deputat bildirib ki, pula bu cür hərislik heç bir ölkənin bank sistemində yoxdur:

“İllərdir onminlərlə vətəndaşını zəlil günə qoyan, ölkədə ailə institutuna ağır zərbələr vuran, insanların evlərini, mülklərini əllərindən alan müasir, başabəla Azərbaycan bank sisteminin yaradıcısı olan Mərkəzi Bankın rəhbəri hələ də bu missiyanı davam etdirir. 50-60 min manat kredit götürüb sahibkarlıqla məşğul olmaq istəyən iş adamları kiçik bir uğursuzluğa, kreditin ödənişini gecikdirdiyinə görə əlavə faizlərlə, cərimələrlə fantastik rəqəmə çevrilən kreditin əvəzinə girov qoyduğu 200-250 minlik daşınmaz əmlakı məhkəmələrin hökmü ilə müsadirə olunur. Bu cür yanaşma, yüksək faiz hansı ölkədə var?

Mərkəzi Bankın sədri elan edir ki, 31 mərtəbəli 430 milyon manatlıq Mərkəzi Bankın yeni binasının tikintisi üçün tenderin qalibi müəyyən olunub. Baş bankirə xatırlatmaq istərdim ki, həmin pulla indiki bazar qiymətilə yüksək standartlara cavab verən 1720000 m2 mənzil və yaxud 12300 yaşayış evi, bir necə məktəb, xəstəxana, uşaq bağçası və digər sosial obyektləri tikib istifadəyə vermək olar.

Dünyanınsəsi.Az