Direktor Gültəkin Muradova – Kimə istəyirsiz gedin şikayət edin

Əsas Manşet ÖLKƏ
Spread the love
113 saylı məktəbin rüşvətxor direktoru. haqqında…
Müharibə başlayanda direktor müəllimlərdən adambaşına 20 manat topladı. Dedi ki, ön cəbhəyə, həm də şəhid ailələrinə yardım ediləcək. Müharibə qurtarıb, amma direktor pul yığmaqda hələ də davam edir. Məktəbdə 160 nəfər müəllim var. Hazırda pulu verməyənlərdən məcbur alır”.
Sabunçu rayonu, Kürdəxanı qəsəbəsində yerləşən 113 saylı tam orta məktəbin bir qrup müəllimi direktordan şikayətçidir. İşini itirmək qorxusu ilə adını açıqlamaq istəməyən müəllimlərdən biri Meydan TV-yə bildirib ki, direktor Gültəkin Muradova onlardan hər ay 10 manat da əlavə pul alır:
“İkinci Qarabağ Müharibəsində bizdən məcbur pul yığdı. Lakin sonra bizə heç bir qəbz göstərmədi, ümumiyyətlə, pulun hara xərclənməyi ilə bağlı məlumat vermədi. Hər ay müəllimlərdən 10 manat pul yığır. Guya bu pullar məktəbdə istifadə etdiyimiz A4 formatlı kağıza görə yığılır. Halbuki, pandemiya ilə əlaqədar məktəbdə tədris prosesi dayandırılıb. Hər ay yığılan pul min altı yüz manat pul edir. Müəllimlər etirazını bildirəndə ki, sizdən əvvəlki direktor pul yığmırdı, deyir: o, özü bilər, ağlı olaydı. Mən cibimdən pul verib, məktəbə nəsə almalı deyiləm. Kağızları da siz işlədirsiniz, pulunu özünüz verin. Özü də iclaslarda neçə dəfə deyib ki, mən heç kimdən qorxmuram, həyat yoldaşım jurnalistdir. Hara istəyirsiniz, şikayət edin”.
Adının açıqlanmasını istəməyən başqa bir müəllim isə deyir ki, direktor pedaqoji işçilərin dərs yükü bölgüsünü düzgün aparmır.
“Müəllimlərdən pul alır, saat bölgüsünü ona uyğun aparır. İşə yeni başlayanda, elan etmişdi ki, hər bir müəllimə 25-26 saat dərs düşəcək. Lakin sonradan bəzi müəllimlərə 30-31 saat dərs verdi. Bundan başqa, xoşu gəlməyən müəllimlərin dərs saatını uyğun salmır. Məsələn, dərsin birini səhər saat 8-də, digərini 10-da, üçüncüsünü isə günorta növbəsinə salır. Bunu bilərəkdən edir ki, müəllim səhərdən axşama kimi məktəbdə otursun. Amma pul aldığı müəllimin dərs saatlarını artırır.(https://www.facebook.com/groups/deqiqxeber/permalink/1376735219350735/)

Fizuli Heyderli
Dünyanınsəsi.Az