Ərdoğan: “Rusiya və Ukrayna arasındakı ziddiyyətlərin tezliklə sülh yolu ilə həllini istəyirik”

DÜNYA Hit
Spread the love

Türkiyə Prezidenti Rəcəb Tayyib Ərdoğan ölkəsinin Rusiya ilə Ukrayna arasındakı fikir ayrılıqlarının tez bir zamanda sülh yolu ilə həllini arzuladığını bəyan edib.

“RİA Novosti”nin məlumatına görə, dövlət başçısı bildirib ki, Türkiyə iki ölkə arasındakı zidiyyətlərin həlli üçün səylər göstərir.

“İstərdik ki, bölgəmizin sakit və təhlükəsiz gələcəyi naminə Rusiya və Ukrayna öz aralarındakı ziddiyyətləri mümkün qədər tez bir zamanda danışıqlar və sülh yolu ilə həll etsin. Biz də bu yolda səylər göstəririk”, – deyə R.T.Ərdoğan Dolmabağça iqamətgahında Beynəlxalq Demokratlar Birliyinin Qadın və Gənclik təşkilatı nümayəndələri qarşısında çıxış edərkən qeyd edib.